Сургуулийн Нийгмийн ажлын түүхэн замнал
1997 онд Их Британий ХИС анх сургууль завсардалтаас урьдчилан сэргийлэх төслийн хүрээнд Монголын Хүүхдийн эрхийн төвтэй хамтран энэ оны хичээлийн жилээс Нийслэлийн 57-р сургууль “Ирээдүй цогцолбор сургууль дээр нийгмийн ажилтан ажиллуулж эхэлсэн.
1998-2000 онуудад МХЭТ, Монголын радиогийн сургалт, танин мэдэхүйн редакци хамтран нийгмийн ажлын талаар олон нийтэд ойлголт өгөх зорилгоор сургуулийн нийгмийн ажлын цуврал нэвтрүүлгийг гаргажээ.
1999 онд Б.Цэрэнлхам, Х.Өлзийтунгалаг, О.Мягмар хар хамтран Сургуулийн нийгмийн ажилтны гарын авлага гаргажээ. МХЭТ, УБИС-н Нийгмийн ажлын төв, ИБХИС, Норвегийн ХИС хамтран энэ оны хичээлийн жилд Дорнод, Архангай, Ховд аймагт Нийгмийн ажилтнуудын шаталсан сургалтаар бэлтгэжээ. Сургалтанд суусан бүх хүмүүс мэргэжлийн нийгмийн ажилтны үнэмлэхтэй болсон байна.
2000 оны 4 сарын байдлаар Баянхонгор, Дорнод, Сэлэнгэ, Дархан-Уул, Хөвсгөл, Ховд, Өвөрхангай, Төв аймаг, УБ хотын нийт 77 сургууль дээр Сургуулийн нийгмийн ажилтан ажиллаж байжээ.
2000- 2003 онуудад Норвегийн ХИС-ийн дэмжлэгтэйгээр Боловсрол соёл шинжлэх ухааны яамны бага, дунд боловсролын бодлого зохицуулалтын газрын дэргэд Сургуулийн нийгмийн ажлын нэгж байгуулагдаж байжээ. Хот хөдөөгийн нийгмийн салбарын ажилтнуудад НА-ын онол , практик хосолсон 2жилийн эчнээ \ зайны\ сургалт эхлэжээ.
2001 онд Уг мэргэжлийг албан ёсоор боловсролын системд оруулж ажлын байрны тодорхойлт, үйл ажиллагааны нийтлэг жишиг, албан тушаалын лавлахыг боловсруулах шаардлага гарч ирэв. Эдгээр бичиг баримтын загварыг ИБХИС, МХЭТ, УБИС-ийн Нийгмийн ажлын төв, Норвегийн ХИС-ийн мэргэжилтэн багш нар бэлтгэсэн байна.
2001 онд Гэгээрлийн сайд, Эрүүл мэнд, Нийгмийн хамгааллын сайдын 4 сарын 10-ны өдрийн 73\90 дугаартай хамтарсан тушаалаар дээрх баримт бичгүүдийг баталсанаар Сургуулийн Нийгмийн Ажилтныг 2000-2001 оны хичээлийн жилээс эхлэн ЕБ-ын бүх сургуулийн орон тоо , цалингийн санд багтаан ажиллуулахаар шийдвэрлэжээ.
2002 он Хот хөдөөгийн нийгмийн салбарын ажилтнуудад НА-ын онол , практик хосолсон 2 жилийн эчнээ \ зайны\ сургалтыг суралцаж төгссөн. НА-тнууд Анги удирдсан багш нартай хамтран ажиллах боломжийг МУСШУ-ны сайдын тушаалаар батлав.
СНА-танг Боловсролын хуулинд 2006 онд Боловсролын нийгмийн ажилтан гэж өөрчлөн нэрлэсэн бөгөөд 2009 он Сургуулийн нийгмийн ажлын байрны тодорхойлтыг шинэчлэн батлав.
Холбогдох вэб сайтууд
http://www.mecs.gov.mn/ - Боловсрол соёл шинжлэх ухааны яам
http://www.legalinfo.mn/ - Монголын хууль зүйн нэгдсэн мэдээллийн систем
http://www.iassw-aiets.org/ - ОУ-ын сургуулийн нийгмийн ажилтны холбоо